Монгол Улсын нэгдсэн төсвийн гүйцэтгэл үнэн зөв илэрхийлэгдсэн эсэх үндэслэлтэй баталгаа гаргах зорилгоор Төсвийн тухай хуулийн 8 дугаар зүйлийн 8.10.2 дахь заалтын дагуу Төрийн аудитын байгууллага хуульд заасан бүрэн эрхийн хүрээнд Монгол Улсын нэгдсэн төсвийн гүйцэтгэлд жил бүр аудит хийдэг.
Хөгжлийн бодлого, төлөвлөлт, түүний удирдлагын тухай хуульд дунд хугацаанд хэрэгжүүлэх хөгжлийн төлөвлөлтийн баримт бичиг нь Монгол Улсыг болон аймаг, нийслэл, хотыг хөгжүүлэх таван жилийн үндсэн чиглэл байхаар тусгасан. Уг үндсэн чиглэлд хөрөнгө оруулалтын болон шаардлагатай бусад хөтөлбөрийг хавсаргах шаардлагыг тусгасан бөгөөд Төрийн аудитын байгууллага хуульд заасан бүрэн эрх, Төсвийн байнгын хорооны тогтоолын дагуу төсвийн хөрөнгө оруулалтын хэрэгжилт, үр дүн, үр ашигт гүйцэтгэлийн аудит хийж, Улсын Их Хуралд танилцуулдаг.
Засгийн газрын санхүүгийн нэгтгэсэн тайланг санхүүгийн тайлагналын үзэл баримтлал, Улсын салбарын нягтлан бодох бүртгэлийн олон улсын стандарт, Санхүүгийн тайлангийн олон улсын стандартын дагуу үнэн зөв илэрхийлэгдсэн эсэх талаар үндэслэлтэй баталгаа гаргаж, хууль тогтоох байгууллагыг мэдээллээр хангах зорилгоор Төсвийн тухай хуулийн 8 дугаар зүйлийн 8.10.2-т заасны дагуу Төрийн аудитын байгууллага хуульд заасан бүрэн эрхийн хүрээнд Засгийн газрын санхүүгийн нэгтгэсэн тайланд жил бүр аудит хийдэг.
Хөгжлийн бодлого, төлөвлөлт, түүний удирдлагын тухай хуульд дунд хугацаанд хэрэгжүүлэх хөгжлийн төлөвлөлтийн баримт бичиг нь Монгол Улсыг болон аймаг, нийслэл, хотыг хөгжүүлэх таван жилийн үндсэн чиглэл байхаар тусгасан. Төрийн аудитын байгууллага хуульд заасан бүрэн эрх, Төсвийн байнгын хорооны тогтоолын дагуу “үндсэн чиглэл”-ийн биелэлтэд гүйцэтгэлийн аудит хийж, Улсын Их Хуралд танилцуулдаг.
Тодорхой сэдвээр хамрах хүрээг тодорхойлон авах, эсвэл тодорхой нэг төсөл арга хэмжээг сонгон авч зөвхөн тухайн сэдэвтэй холбоотой асуудалтай хариу арга хэмжээнд чиглэсэн зөвлөмж боловсржжлан гаргах зорилготой аудит юм.
